ბროკოლი ერთ-ერთი ყველაზე პოპულარული და დაფასებული ბოსტნეულია იმ საზოგადოებისთვის, რომელიც ჯანმრთელობაზე ზრუნავს. იგი სავსეა ვიტამინებითა და ანტი-სიმსივნური ნივთიერებებით და რეკომენდირებულია ყველა ჯანმრთელ დიეტაში.
ბროკოლი, რომელსაც ასევე უწოდებენ მწვანე ყვავილოვან კომბოსტოს ანდა გრძელ კომბოსტოს, ვიტამინების A, K, C, B და ფოლიუმის მჟავის მდიდარი წყაროა. ბროკოლი ასევე შეიცავს ადამიანის ორგანიზმისთვის სასარგებლო მინერალურ მარილებს, როგორცაა კალიუმი, კალციუმი. რკინა, ფოსფორი, სელენიუმი და მაგნიუმი.
ბროკოლი – ანტისიმსივნური ბოსტნეული
ხილისა და ბოსტნეულის რეიტინგებში ბროკოლს პირველი ადგილი უჭირავს კიბოსთან მებრძოლ ბოსტნეულთა კატეგორიაში. ეს ბოსტნეული sulforaphane-ის მდიდარი წყაროა, ანტიოქსიდანტური თვისებების მქონე ქიმიური ნივთიერება, რომელიც გამოიყოფა საკვების ღეჭვის დროს. მეცნიერულად დამტკიცებულია, რომ ეს ნივთიერებები მხოლოდ სიმსივნურ უჯრედებს ებრძვიან ისე, რომ ზიანს არ აყენებენ ჯანმრთელ უჯრედებს. უფრო მეტიც, sulforaphane-ი ზრდის ფერმენტების რაოდენობას, რომლებიც ეხმარებიან სხეულს, გამოდევნოს ის უსარგებლო ნივთიერებები, რომელსაც ორგანიზმი გამოყოფს. დამტკიცებულია, რომ ბროკოლის რეგულარული მოხმარება ამცირებს კარცინოგენებისა და ფილტვებისათვის მავნე ნივთიერებებს, როგორიცაა ბენზოლი და აკროლეინი (მათ შეუძლიათ, პერმანენტულად დააზიანონ ჩვენი დნმ). ბროკოლიში არსებულ პიგმენტებს, როგორიცაა ბეტა-კაროტინი და ქლოროფილი, ასევე აქვთ ანტისიმსივნური თვისებები.
healthyfoodfo 
Оставьте комментарий